Red Horse
Pampamanhid ng mukha. Pero yung sakit naroon parin. Mali kasi eh, dapat Red Man. Yun ang para sa tao, malamang mamanhid na ang pakiramdam mo sa pag inom ng kulay ihi. Sa puntong ito kung hindi man dahil sa sobrang kalasingan ay natutuwa ka sa pinagsasabi ko, malamang ay wala ka lang magawa. Pero sa totoo lang. Hindi kayang pawiin ng alak ang problema. Ang napapawi lang nito ay ang kakayanan mong isipin ang problema. Mantakin mo nga naman iniiwasan natin magisip para maging masaya. Kaya siguro maligaya ang mga bata dahil hindi sila nag iisip.
Naalala ko tuloy ang kasama namin sa bahay noon, yung yaya, madalas akong sabihan na "Mag isip ka nga!" at "gamitin mo nga iyang utak mo!" kapag naaabala ko siya sa pagtetelebabad niya habang wala ang mga magulang ko, katatanong ko kung ano kakainin ko dahil nilalangaw na ang hinain niyang pagkain talong oras bago ako dumating galing sa iskuwela. Sarap! Sinisisi ko ang yaya ko ngayon kung bakit naging PG ako dahil nasanay akong unahan ang bacteria na nagpapa panis sa pagkain. Sabi niya, "tirahin mo na iyan bago tirahin ng iba". Matindi rin 'diba. 'katapos pag dating ng tatay ko ay kagagalitan ako dahil hindi niya maipaliwanag kung bakit kung makatingin daw ako ay parang si yaya ay sugo ng demonyo. Kay sapilitan akong ngingiti na parang aso, dahil iniiwasan kong mag full blast ang litanya ng tatay ko na ang kasunod ay ang "corner" mode. Yung tipong tatayo ka sa sulok para daw makapag "isip-isip"... Na ang tanging iisipin ko lang naman ay "Yah, yaya, you're such a loser".
Makapag isip-isip.
Nangunguna sa listahan ko ng things to do, noong maliit pa ako ay ang mag-isip. Sabi kasi ng tatay ko dapat pina-plano ko ang araw ko.
Nov. 13, 1987
T2D for today
1 Mag-isip (ituloy ang tulog na nakadilat ang mata)
2 Mag pray (ituloy ang tulog na nakaupo)
3 Maligo (ituloy ang tulog sa CR)
4 Siguraduhing bitbit ang assignment (4.1 siguraduhing tulog pa tatay ko dahil wala akong bitbit kundi ang bayag ko. 4.2 Magbitbit ng panapal sa kuyukot. Dapat well padded and sturdy)
5 Anything goes - 'tong part na to ay either mamamayabas kami ng tropa kong grade 2 palang eh founder na ng frat na ang mga miyembro ay puro mga sigang 8-anyos pababa. O 'di kaya ay magnanakaw ng balbula. (ito yung takip sa gulong ng mga magagandang kotse)
Masinsinan ang pagbabantay sa akin ng yaya ko na tinutupad ko ang lahat ng T2D ko na ang awtor ay ang tatay ko rin naman na naniniwalang puro katarantaduhan lang ang alam gawin at isipin ng bata. Mali siya. Dahil hangang ngayon ay ganoon parin ako.
--
Stop Falling...ling...ling...
--
Sabi nga ng unang awtor na sapilitan akong pinagbabasa ng mga opinyon niya, dapat daw maunang mag-isip bago pa ang lahat, bago pa ang anuman. Maging sa mga pang araw-araw na gawain, sa trabaho, sa pakikipagusap, sa pagtatanong, sa pag ubo. Sa palagay ko naman ay may punto siya dahil daw sa hindi pag-iisip sa isang bagay ay marami ang naidulot nitong pagkakamali. At malamang ay nakita na niya ang mga pinaka tan-gee-ey na pinag gagawa ng maraming mga tao sa paligid niya o maaring maging sa sarli niya mismo. Kung tutuusin ay iyon naman ang basehan ng mga payo at disiplina ng mga matatanda at maging ng mga magulang natin. Kung minamalas malas ka ay nasabihan ka nang katangahan ang pagsasama ng mga magulang mo at lala na ang ipanganak ka pa. Kung isa ka sa mga iyon ay malamang sabog ka sa droga ngayon habang binabasa mo ito.
Aminin na nating maraming katangahan ang nagaganap sa mundo. Sa pulitika, sa pagsusukli sa dyip, sa pagsusuot ng winter jacket kapag umambon ng kaunti, sa paglalagay ng 'sandamukal na MMDA sa kalsada, at binigyan pa ng mic. Sa pamamayabas imbes na mag-aral, sa paga-artista, sa pulitika. Katangahan sa iskuwela, sa gobyerno, sa tahanan, sa pakikipagkaibigan. Sa pagsasamasama ng mga de color, dahil 'yung ibang de color ay humahawa, sa pag-inom ng kape na may kutsarita, sabay deretso sa mata.. Sa panonood ng bomba na bukas ang bintana, sa paglalararo ng sipa matapos magdroga, sa pagdududa sa asawa dahil sa kapapanood ng telenobela kung saan mas pinoproblema pa ang buhay ng iba. La isla bonita de mantikilya espada del averico de monio el toyo la pasa y panadero con pandecoco de bomba.
Kanina ko pa pinipigil sabihin ang isa sa mga pinaka kumon at popular na katangahan, para makita natin na marami pang mas matinding katangahan sa mundo. Pero dahil madrama din ako, sasabihin ko na.
Katangahan sa Pag-igib.
Pagi-igib ng tubig. Mantakin mo sino bang kasing bobo ko na pinag-igib ng tubig at ang binitbit ko ay bote ng Coke litro. Pero dalawa naman. Syempre namura ako sa wikang Latin ng lolo ko.
Tapos na.
Sige eto na. Katangahan sa pag-heeebig. Wika nga ng matatanda, at mga tinedyer, at pati na rin ng mga bata bata ng kaunti, sabay-sabay tayo ha, 1,2,3! "Lahat tayo ay tanga sa pag-ibig". Very good retarded children.
Pero totoo iyan. Maaring wala ka sa listahan ng mga tanga na nabanggit ko kanina. Maaaring hindi ka tangang pulitiko, hindi ka durugista, hindi ka nagkakape ng may kutsara, o hindi ka nag wi-winter dyaket 'pag umulan ng kaunti. Ngunit, lahat tayo ay minsan nang naging biktima ng katangahang ito - pag-ibig. Ito yata ay isa sa mga tinatawag nilang "common mistake" at "favorite mistake" ng maraming tao. Parang brotherhood na ito sa dami ng miyembro dito. Dapat nagtayo na ng frat nito eh. Puwede sigurong SAWI GA-MA ang TA-MA o di kaya'y pang gangster na usong-uso ngayon - pinoy wasak o kaya'y parang pang "east coast" ng Brooklyn gangstah epek ng mga batang hamog sa north cemetery - Broken Hearted Brotherhood. 'Tas magbabandal sa pader ng mga letrang BHB#24. Ano kaya iyong #24? Siguro anib nila. Walang dala si loko, dapat dun ay i dismember agad o kaya'y i hazing ulit.
.... itutuloy
